विद्रोह

विद्रोह गोंदुन घेतलाय कधीच भाळावर।
भिडत असतो आम्ही लेखणीच्या जोरावर।।

इथला भिक्कार कवी वर्ग लिहितो फक्त प्रेम गीत।
कधी त्याने लिहिलेच नाही सर्वसामान्य जनतेच गाणं।।

शालीनतेचा पदर पांघरून नाचतात नटनट्या मंचावर।
अर्ध नग्न शरीराचा नंगानाच आणि त्याला बक्षिसे! आरं थु।।

आमच्या आया बहिणींना नागवं केलं जात तेव्हा हे कवी
बसतात पेनाच टोक ढुंगणावर खाजवत
पण आम्ही लिहितो,गातो,मांडतो व्यथा इथल्या अव्यस्थेच्या
आणि आम्हाला भेटतो तुरुंग आणि देशद्रोही नावाचं बक्षीस

त्यांची लेखणी लिहिते देवाने सूर्य गिळला म्हणून। 
आम्ही लिहितो आम्हाला प्रकाश मिळावा म्हणून।।

पण अर्वाच्य भाषा आणि शिवराळ उत्तरें !
ही विद्रोहाची कधीच बनणार नाही व्याख्या।
विद्रोह आणि विवेक बहिणी असतात सख्या ।।

कुणालाही असं इथं गगनभरारी घेता येत नाही
कारण प्रत्येकालाच इथं नामदेव
ढसाळ होता येत नाही।।

डोक्यात ठेवतो आम्ही विद्रोही तुकाराम।
फेकून दिलाय डोक्यातून काढून कधी तुमचा स्वार्थी राम।।

शांतीचादूत माझा बुद्ध एकदा जगून बघ।
चांगला सम्यक विचार एकदा करून तर बघ.

#रोहित_जगताप
८९८३४५१५००